14 январьыште Регион кокласе студент сервис проектын «Ялта» 2020-2021 конкурсшо мучашлалтын. Марий Элысе ӱдыр-рвезе-влак сеҥыше радамыш лектыныт.
Чумыр паша номинацийыште «Йошкин кот» студент сервис отряд икымше, «Пламенный свет» отряд кумшо верлам налыныт. Коммисар пашаште эн сай отряд номинацийыште «Пламенный свет» кокымшо, «Йошкин кот» кумшо верлаш лектыныт.
«Пламенный свет» отрядын еҥже Елизавета Ивановалан эн сай комиссар лӱмым пуэныт.
«Юл кундем кугыжаныш технологий университетыште тунеммем годым «Йошкин котыш» ушненам. Икымше гана пашам ышташ Крымыш «Ялта-Интурист» унагудо комплексыш наҥгаеныт ыле. Тушко миен толмо дене теҥызым ужаш да оксам ыштен налаш сай йӧн лийын.
Кок ий почела Крымыш кудалыштме деч вара «Пламенный свет» отрядым почмо. Тудын комиссарже лияш мылам ӱшаненыт», – палдарыш Елизавета.
О.МОШКИНА
