Суд пристав-влакын межрайонный отделыштышт 28 ияш пӧръеҥлан уголовный штрафым тӱлыктымӧ шотышто исполнительный производство лийын.
Шолыштмыжлан самырык пӧръеҥлан 120 тӱжем теҥге штрафым, тыгодым тиде кугытым иканаште огыл, а идалык жапыште тылзе еда 10 тӱжем теҥге дене, тӱлыкташ палемденыт. Но тудо кок гана чылаже 30000 теҥгем гына тӱлен, тидын годым рассрочкым шотыш налын огыл, суд пристав деке приемышкат толын огыл. Ты амал дене суд пристав-исполнитель штрафым наказанийын вес йӧнжӧ дене вашталташ темлымашан представленийым судыш колтен. Суд заседаний лийшаш нерген пален налмекше гына пӧръеҥ штрафын тӱлен шуктыдымо ужашыжым тӱрыснек тӱлаш оксам тыманмеш муын.
Еҥ-шамычым ала-молан утларакше лӱдмӧ гына тӱлаш тарата…
Л.КАМАЛЕТДИНОВА
