МЕР ИЛЫШ ДА ЙӰЛА

Мо, кушто, кунам?

Тӱрлӧ тӱсан: чевержат, шем-ошыжат

Кужэҥэр районышто тоштер-выставке рӱдерыште кок выставке почылтын. Сӱретче Владимир Добросмыслов ден самырык сӱретче Надежда Варсегован пашашт шукылан оҥай лиеш.

Кино йӱд

27 августышто Марий Элыште «Ночь кино» всероссийский акций эрта. Тудо культур учреждений-влакын площадкылаштышт лиеш. Йошкар-Олаште кином Царевококшайский Кремльыште, Йошкар Армий культур полат воктене ончыкташ тӱҥалыт.

Йошкар-Олаште – «Гимали. Тибет»

18 августышто 16 шагатлан республикысе изобразительный искусство тоштерыште «Гималаи. Тибет» фотовыставке почылтеш.

Тиде выставкын шонымашыже: ончаш толшо-влаклан ты оҥай регион нерген шукырак да келгырак сӱретым почын пуаш.

  Марий Элыште – финн ӱдырамаш-влак

15-18 августышто финн ӱдырамаш-влак ассоциацийын делегацийже  Марий Элыште уна лиеш. Тудо «Саскавий» ӱдырамаш ушемын ӱжмашыж почеш толеш. Икымше кечын Морко кундемыште лийыт. Программе кумда.

  • августышто уна-влак Унчо кундемыште изирак экскурсийыш лектыт. Мутлан, Унчо атльешке, ялысе книгагудышко, Унчо творческий мастерскойын студийлашкыже… Тыгак верысе туныктышо коллектив, «Кӱдыроҥгыр» ӱдырамаш клубын участникше-влак дене вашлийыт.

Эрлашыжым (16 август) эрдене кызытсе мардежвакш ден ончычсо вӱдвакшым ончал савырнат.  Ты кечынак нуно Йошкар-Олашке толыт. Тушто М.Шкетан театрыште «Салика» спектакльым ончат.

А 17 августышто Марий Элын этноландшафтше дене палыме лийыт. Марий кундемын 9 памашышкыже экскурсийыш лектыт. Кастене марий калык кочкышым тамлен ончат.

Пытартыш кечын, 18 августышто, уна-влак Евсеев лӱмеш национальный музейыште лийыт. 11 шагатлан «Детство» тоштерыште марий ӱдырамаш интеллигенций да «Саскавий» мер организацийын активше дене вашлийыт. А 18 шагатлан нуным «Мари» сийгудышто вучат.

Е.Эшкинина.

Опубликовать в Одноклассники

Добавить комментарий