Мосгорсуд Марий Элын ончычсо вуйлатышыже Леонид Маркеловын адвокатше-влакын пуымо апелляционный вуйшиймашыштым ончен.
Но нунын йодмыштым шуктыде коденыт, палдара ТАСС увер агентстве. Леонид Маркеловым 13 октябрь марте петырымаште кодаш пунчалым лукмым суд закон дене келшышын ыштымылан шотлен.
РФ Следствий комитетын еҥже Светлана Петренкон палдарымыж почеш, Леонид Маркелов, Ирина Долгушева да Наталья Кожанова шотышто следствий паша мучашлалтын. Уголовный делан фигурантше ден нуным аралыше-влак материал-шамыч дене палыме лияш тӱҥалыныт. А нуныжо 300 томыш погыненыт. Палыме лиймекышт, уголовный делан материалже-влакым обвинительный заключенийым пенгыдемдышаш нерген йодышым рашемдаш надзор ведомствыш колтат. Тылеч вара судыш пуат.
Л.Камалетдинова.
