УВЕР ЙОГЫН

Келшен илымаш поянлык дечат шерге!

15 май – Еш-влакын тӱнямбал кечышт

 Тудо пайрем семын 1993 ий годсек палемдалтеш.

Тидым шотыш налын, таче пӱтынь тӱня мучко тӱрлӧ мероприятий-влак эртат.

Марий Элыштат кажне районысо кугурак тӱвыра учрежденийлаште тудо палемдалтеш. Но коронавируслан кӧра еҥ-влак тӱшкан чумырген огыт керт, сандене нуно тӱрлӧ йӧным кучылташ тыршат.

Мутлан, У Торъял районысо Элембай тӱвыра пӧртыштӧ «Литературный  еш» тест-модышым эртареныт. Тудын дене келшышын, кумылан икшыве-влаклан, лудмо произведенийлам шарналтен, икмыняр йодышлан вашешташ темленыт. А кугурак ийготан-шамычым «Ешыште келшен илыме годым поянлыкат огеш кӱл» еш викториныш ушнаш ӱжыныт да еш нерген произведенийла гыч персонажым, еш нерген калыкмут ден ойсавыртыш-влакым шарналташ йодыныт.

Шӱвылак тӱвыра пӧрт пашаеҥ-влак «Калык ойпого тыге ойла» лӱман пӱтынь ешлан келшыше конкурс программым темленыт да кумылан-влаклан еш нерген вашталтыме калыкмут ден ойсавыртыш-влакым чын каласаш кӱлын. Тыгак руш йылме, математике урок-влакым эртареныт. Ача-ава-шамычлан «Шке икшывем палем мо?», а йоча-шамычлан «Икшывын ойлымыж дене», тыгак кулинарный конкурс-влак лийыныт.

Л.КАМАЛЕТДИНОВА

Опубликовать в Одноклассники

Добавить комментарий