ОБРАЗОВАНИЙ

Грантым – кокымшо ий почела

Йошкар-Оласе строительно-промышленный техникум кокымшо ий почела инклюзивный образований дене кылдалтше федерал грантым сеҥен налын.

      2019 ийыште проектым илышыш пуртымылан кӧра кыдалаш профессионал образованийым пуышо тиде тунемме верыште начар тазалыкан самырык еҥ-влаклан специальностьым налаш йӧн ышталтын. Нуно ургызылан, кемым олмыктышылан, кермычым оптышылан тунем лектын кертыныт. Ушештарена, профессионал мастарлыкым тергаш ӱдыр-рвезе-шамычлан техникумышто «Абилимпикс» регионысо чемпионатын площадкыжым почмо.

     Тений тунемме верлан инклюзивный образованийым пуымо пашам умбакыже шуяш, начар тазалыкан самырык еҥ-влаклан тунемашышт сай условийым ышташ 5,6 миллион теҥге кугытан федерал субсидий ойыралтеш. Мартыште тудын икымше ужашыже – 2,8 миллион теҥге – толын шуын. Тиде окса дене техникум кызыт столярлан, ургызылан туныкташ  учебно-лабораторный да учебно-производственный оборудованийым, тыгак компьютер техникым, спорт инвентарьым налеш.

Г.КОЖЕВНИКОВА

Фотом Марий Эл Образований да науко минситерстве гыч налме  

Опубликовать в Одноклассники

Добавить комментарий