Шернур район Кукнур кундемыште мланде йымач минеральный вӱд йыргыктен лекме «Ӱжара»» лӱман вер уло.
Тудо Немда эҥер воктене верланен. Тушко тыште илыше-влак веле огыл, ӧрдыж гычат вӱдым налаш толын каят. Шукерте огыл Кукнур кундемысе тӱвыра пашаеҥ-влак памашшинча кумдыкым шотыш конденыт: шудым соленыт, вӱд лекме йыр тыгыде шаргӱм оптеныт, вӱдым налаш йӧнан лийже манын келыштареныт.
Снимкыште: тӱзатен шындыме кумдыкышто.
Фотом Кукнур тӱвыра да каныме рӱдерын воткыл лаштыкше гыч налме.
