Россий МЧС-ын Марий Элысе Тӱҥ управленийыштыже «Ӱшан телефон» пашам ышта, номерже – (8362) 69-02-63.
Тудын тӱҥ шонымашыже – калык ден утарыше ведомство коклаште илышлан лӱдыкшӧ лийын кертмым иземдаш манын вашкылым пеҥыдемдш. Тыгак ты номер дене Тӱҥ управленийын пашаеҥже-влак велым правомерный огыл ошкылышт дене кылдалтше факт-влак нерген увертараш лиеш.
Мутлан, кодшо тылзын индеш йодмаш пурен. Тӱҥ шотышто нуно республикысе илемлаште пожар йӧрташ вид укелык, пожар лийын кертме нормо ден правилым пудыртымо дене кылдалтыныт. «Ӱшан телефоныш» пурышо чыла йодмашым регистрироватлат да ведомствын келшен толшо подразделенийышкыже колтат. Специалист-влак вара, верыш лектын, тергымашым эртарат. 30 кече жапыште вашмутым кажныжлан возен колтат.
С.Носова
