19 июльышто «Марий Эл» ден «Сурт-пече» газет-влаклан 2023 ийын кокымшо пелийжылан возалтше-шамычын редакцийыш колтымо 157 квитанцийышт негызеш лотерейым модылтышна. Тудым ВКонтакте социальный сетьысе группыштына вияш эфирыште https://vk.com/gazeta_mari_el?z=video-22456269_456240182%2Fb223c3a5d0d885a207%2Fpl_wall_-22456269 эртарышна.
Тӱҥ приз – Марий Турек районысо «Акпарс» агрофирме» ООО-н (генеральный директоржо Г.С.Ахатов) спонсор семын ойырымо презыже – Звенигово районысо Кожвожмучаш ялыште илыше Н.Архиповалан логалын. Наталия Ивановна «Марий Элланат», «Сурт-печыланат» возалтын, газетна-шамыч дене ончыкыжат кылым кучаш тӱҥалеш манын ӱшанен кодына да чапле призым модын налмыж дене саламлена.
Кокымшо кугу приз – «Витекс» ООО-н (вуйлатышыже А.Н.Ведушев) мотор тумбыжо – Шернур районысо Кучанур ялыш Николай Соловьевын суртышкыжо кая. «Марий Эл» ден «Сурт-пече» газет-влакым шукертсек налына. Палемдыме изданий-шамычлан возалтмым пеҥгыдемдыше квитанцийым лотерей модылтмашыш мыняр гана колтенна гын, ик ганат нимогай призат логалын огыл. Тиде гана пиал мыланнат шыргыжалеш манын ӱшанен кодына», – подписчикнан конвертшым почмек лудна. Пагалыме Николай Петрович, ӱшанда арам лийын огыл – тиде шуко еҥлан пример. Тыландат газетна-влаклан возалтмыланда тауштена да призым модын налмыда дене саламлена.
Моло приз тыге модылтыныт:
вургемым оптымо яшлык – Елена Егоровалан (Волжский район Ярамарий ял);
воштырдымо наушник – Елизавета Автономовалан (Параньга район Элпанур ял);
резинке калош – Любовь Рябчиковалан (Советский посёлко);
секатор – Раисия Яншитовалан (Советский посёлко);
фарфор креманке – Екатерина Сунгуровалан (Параньга район Усола ял);
воштырдымо наушник – Лидия Егоровалан (Морко район Ильинский почиҥга);
каструль – Антонина Шумеевалан (Советский район Кугэҥер ял);
пеледышан салатнице – Валерий Ороспаевлан (Марий Турек посёлко);
ош салатнице – Мария Вшивцевалан (Шернур район Лажъял), Иван Гусевлан (Советский район Кельмаксола ял), Геннадий Поповлан (Марий Турек район Лоп ял);
плед – Ю.Ф.Ильиналан (Морко район Кокласола ял);
вӱдым шавыме шланг – Роза Смышляевалан (Параньга район Янгетсола ял);
салма – Юрий Калугинлан (Параньга район Памашъял), Маргарита Исаевалан (Параньга район Кугу Пумарий села);
сад кӧршӧк – Семен Ямбаршевлан (Шернур район Кукнур села);
ӱстембалшовыч – Лариса Мосоловалан (Параньга район Кугу Пумарий села);
кӱэшташ формо – Надежда Васеевалан (Шернур район Лоскутово ял);
чӧгыт – Виталий Березинлан (Шернур район Пӱнчерйымал ял);
«пӱтыртыш» узоран пу совла набор – Татьяна Лапиналан (Параньга район Кугу Пумарий села);
вияш кылан пу совла набор – Алефтина Смирновалан (Морко район Кугу Маршан ял);
кум литр мӱй – Игорь Леонтьевлан (Морко район Олыкъял);
термос – Елена Смирновалан (Параньга район Ондропсола ял);
салатник набор – Н.И.Алексеевлан (Советский район Кужмарий села);
лейке – Елена Григорьевалан (Морко поселко);
вич кило сакырложаш – Анастасия Филипповалан (Морко район Шеҥше села);
электрочайник – Людмила Богданова (Шернур район Купран ял);
книга комплект – Никандр Сандаковлан (Шернур район Кугу Торешкӱвар ял), Иван Волковлан (Шернур район Лажъял), Николай Волковлан (Шернур район Лажъял), Петр Ефимовлан (Морко район Шеҥше села), Надежда Петуховалан (У Торъял район Элеволко ял);
«Марий Эл» блокнот – Галина Соловьевалан (Советский район Курыкӱмбал ял), Василий Фадеевлан (Параньга район Кугу Пумарий села);
мончаш пурымо солык – Валентина Бусыгиналан (Советский район Шуймучаш ял);
корзиҥга – Константин Петровлан (Морко поселко);
фотосессий – газетнам альтернатив подписке дене налын лудшо Олег Логинов (Йошкар-Ола).
Пиалан лудшына-шамычым эше ик гана шокшын саламлена да ушештарена: призым налаш тарванымыда деч ончыч редакцийышкына 8 (8362) 49-55-99 да 8 (8362) 49-55-11 номеран телефон дене йыҥгыртыза.
М.ИВАНОВА
