Гороскоп

Ӱпым пӱчкаш тарваненда гын

29 май. Таче ӱпым пӱчкыда гын, тазалыкда тургыжланымашым луктын кертеш. Чиялтеда гын, вий-куат ешаралтмым шижыда.

30 май. Тиде кечын ӱпым пӱчмӧ деч вара ала-могай у моштымаш ден мастарлыкда нерген пален налыда. Ӱп тӱсым вашталташ келшыше кече огыл.

31 май. Ӱпым пӱчмылан кӧра илышыштыда иктаж-мо уда лийме лӱдыкшӧ уло. Личный илышыштыда вашталтышым вучеда гын, ӱпым чиялтыза.

1 июнь. Тиде кечын ӱпым пӱчмӧ деч вара чондам куан шижмаш авалта, пиал лишемеш. Ӱпым чиялтеда гын, илышыштыда сай велышкат, уда велышкат вашталтыш лийын кертеш.

2 июнь. Ӱпым пӱчмат, чиялтымат оксам ешараш, вуйлатыше дене кылым саемдаш, карьер тошкалтыш дене кӱзаш йӧным ышташ полшат.

3 июнь. Ӱпым пӱчмӧ деч вара еҥ-шамыч дене кыл саемеш. Тыгодым вуй коршташ, давлений «тӧрштылаш» тӱҥалме лӱдыкшӧ уло. Ӱпым пӱчмеке,  тургыжланаш тӱҥалыда, очыни.

4 июнь. Ӱпым пӱчмылан кӧра кызытсе вашкылда кӱрылт кертеш. Ӱпым чиялтеда гын, илышда чот вашталтеш.

Л.Камалетдинова

Опубликовать в Одноклассники

Добавить комментарий