Ӱдырамаш-влак – таза тукым верч

13 апрельыште «Женщины за здоровое общество» платформышто тыгаяк лӱман IV Всероссийский конкурсыш йодмашым налме жап мучашке лишемеш.

Тудо Российысе калыкын тазалыкшым пеҥгыдемдымашке, социальный да здравоохранений сферлаште пашам ыштыше ончыл ӱдырамаш-влакым иквереш ушымашке виктаралтын.

Тенийысе конкурс тыгай номинаций-шамыч дене эрта:

1. «Тазалыкым перегыше технологий-влак»;
2. «Ава улмо да йоча пагыт»;
3. «Таза илыш-йӱла».
4. «Искусственный интеллект да тазалык шотышто цифр решений-влак».

Кажне номинацийыште ик сеҥыше ден кок финалистым ойырен налыт.

Специальный номинаций-влак:

1. «Тазалык аралтыш аланыште эн сай амалкалче проект»;
2. «Вашла полшымо социальныйт проект»;
3. «Тазалыкым пеҥгыдемдыме тӱнямбал проект»;
4. «Ментальный тазалык»;
5. «Тазалыкым аралыме шотышто эн сай молодёжный проект».

Сеҥыше ден финалист-влакым тений 18-21 июньышто Петербургысо тӱнямбал экономике форумын кышкарыштыже саламлат.

Конкурс нерген радамынрак https://womenforhealth.ru ссылке почеш эртен пален налаш лиеш.

Маргарита ИВАНОВА