10 мартыште Морко районысо Унчо селаште Ӱярня лиеш. Тудо «Унчо – финн-угор тӱнян культур рӱдыверже» проектын программыж почеш эрта.
Финн-угор тӱнян тӱвыра рӱдыверыштыже илыше да тушко унала толшо-влак мураш, кушташ, тӱрлӧ конкурсышто, модышышто чолгалыкым ончыкташ, ӱярня курык гыч мунчалташ да имне дене кудалышташ тӱҥалыт. А тусо калык, мутат уке, уна-влакым марий кочкыш, поснак ӱярня мелна дене, сийла.
Пайремым республикысе да Российысе финн-угор кундемла гыч толшо фольклор коллектив-влак сӧрастарат.
Мероприятий 10 шагатлан тӱҥалеш.
А.Байкова.
