ТАЧЕ ЯЛЫШТЕ

Ятыр вашталтыш лийын

Звенигово район админстрацийын да ял шотан Шолэҥер илемын еҥже-влак вашлийын мутланеныт.

Звенигово районысо Шолэҥер ял администраций вуйлатышын пашажым шуктышо Е.Васильеван мутшо почеш, кодшо ийын кундемым тӱзатыме шотышто ятыр пашам шуктымо. Мутлан, Шолэҥер посёлкышто Лежневой уремышке тыгыде кӱм оптымо, Школьный уремыште асфальт корным ачалыме. «Сайвер» Шолэҥер химзавод» акционер ушемын да верысе бюджетын оксашт кӱшеш Шолэҥер посёлкысо Рӱдӧ уремыште йоча площадкым келыштарыме. Зеленый уремыште «Пятерочка» ООО-н полшымыж дене верысе администраций Зеленый уремыште вӱд пучым вашталтен.

Тачысе илышлан келшен толшо ола кумдыкым тӱзатымаш федеральный программе дене келшышын, Выльыпсола ялысе Молодежный уремыште кум пєрт кудывечым тӱзатыме. Эртыше ийын тыгак Шолэҥерыште утарыше-воин лӱмеш шарныктышым ачалыме да тӱзатыме, яллаште йӱлышє лампе-влакым вашталтыме.

Но ял калыкын чыла йодмыжымак эше ыштен шуктымо огыл. Тыге телым корным лум деч эрыктыме да ачалыме, йўшаш вӱдым ситарыме, уремым волгалтарыме, райрӱдо дене автобус кыл, шала коштшо пий-влак шотышто йодышышт уло. Район администраций вуйлатышын икымше алмаштышыже С.Ермолаевын мутшо почеш, лишыл жапыште Звенигово олашке автобус кудалышташ тӱҥалшаш. Тыгак тӱвыра пєртым чоҥымо шотышто йодыш рашемдалтшаш. Тудлан верымат ойырымо. Тидын нерген «Взгляд» район газет увертарен.

В.Смоленцев.

Опубликовать в Одноклассники

Добавить комментарий