14 апрельыште Шернур поселкысо 1-ше номеран школышто Яналов лудмаш эртен. Тушко Шернур, Морко, Советский, У Торъял, Марий Турек, Медведево районла гыч тенемше-влак ушненыт. Мероприятий заочный да очный тур дене эртен. Чылаже 418 йоча чолгалыкым ончыктен. Участник-влак шымлыме пашаштым, сӱретыштым, кидпашаштым жюрилан аклаш луктыныт. Тыгак почеламутым лудмаште, эссем возымаште ушакыл пӱсылыкым ончыктеныт.
Ӱдыр-рвезе-влакын мастарлыкыштым 12 номинацийыште акленыт. Сеҥыше-влак диплом дене палемдалтыныт.
А.Байкова.
