Марий Элын Пӱртӱс поянлык, экологий да йырым-йырысе средам аралыме шотышто министерствын увертарымыж почеш, Росрыболовствын Кокла Юл управленийжын Марий Элысе пӧлкажын, тыгак «Главрыбвод» ФГБУ-н Кокла Юл филалжын меман республикысе пӧлкажын специалистше-влак пырля вийышт дене Чебоксар водохранилищыш 2654 стерлядь колигым колтеныт.
Вӱд биологий поянлыкым искуственно пойдарыме дене кылдалтше мероприятийым «Транснефть-Подводсервис» АО эртарен. Тыге тудо Юл эҥерысе вӱд поянлыклан эҥгекым ыштымыжым компенсироватлен.
С.НОСОВА