Курыкмарий районысо Юаньсир селаште у черке почылтын.
Тудын тӱҥ престолжым Юмым Шочыктышо Эн Святой Аван Леведмыже лӱмеш освятитленыт. Тиде йӱлам Йошкар-Ола да Марий митрополит Иоанн эртарен. У черке Виловат селасе святитель Николай Мирликийскийын храмжын приходышкыжо пураш тӱҥалеш. Кумалтышым эртарымылан священник Владислав Мишутов вуйын шога. Черкым пу гыч ыштыме. Тӱжвал сынжат пеш мотор.
С.НОСОВА
Снимкыште: у черкын тӱжвал сынже.
