Йошкар-Олаште ойыртемалтше тазалыкан да льготан моло категорийыш пурышо граждан-влаклан пӧртым чоҥаш палемдыме.
Тидын шотышто аукционым Кугыжаныш закупко сайтыш вераҥдыме. Тудын условийже почеш, шуко пачеран пӧртым чоҥаш 64,5 млн.теҥге ойыралтеш. Тиде субсидийым федеральный бюджет «Йошкар-Ола» ола округлан пуа.
У пачерым тыгак наказанийым шуктымо, пожар, наркотик ваштареш кучедалме службо-влакын, таможньо виктемын ӱмыр лугыч лийше пашаеҥыштын ешыштлан, службо жапыште тазалыкым йомдарыше икымше да кокымшо группо инвалид-влаклан ойырат.
М.ИВАНОВА
