Кодшо ий мучаште Марий Элыште Россий Пенсий фондын иканаште кок Клиент службыштыжо электрон черет пашам ышташ тӱҥалын. Тыгай пӧлекым У ий вашеш Шернур ден Курыкмарий районлаште илыше-влаклан ыштыме. Тыге, Пенсий фондын услугыж дене пайдаланаш эшеат йӧнан лийын.
Кажне Клиент службышто консультант уло, тудо терминалын пашаж дене палдарыме деч посна, йодыш дене толшо еҥлан темым чын ойырен налашат туныкта.
Козьмодемьянск олаште верланыше Клиент службыш кече еда 100 утла еҥ толеш, Шернур районысо Клиент службыш – 70 наре еҥ.
М.ИВАНОВА.
