ЮРИСТ УМЫЛТАРА

Эрыкыш луктыт мо?

Эрык деч посна шинчыше черланен гын, тудым эрыкыш луктын кертыт мо?

К.Николаев

Йошкар-Ола.

Йодышлан  Медведево районысо прокурорын полышкалышыже С.Захарова вашештен:

 — РФ-н Уголовный кодексше дене келшышын, эрык деч посна шинчыше нелын черлана да тидын деч вара тюрьмаште шинчен огеш керт гын, тудым суд наказанийым шуктымо деч утарен кертеш. Эрыкыш лекташ йодмаш дене судитлалтше еҥ але тудын законный представительже наказанийым шуктымо верыштак учрежденийын администрацийже гоч судыш лектын кертеш. 

Тидым шкеже але законный представительже ыштен огеш керт гын, судитлыме еҥым эрыкыш лукмо нерген представленийым исправительный учрежденийын начальникше ышта. Наказанийым шуктымо деч утарен кертше чер перечень РФ Правительствын ийысе пунчалже (06.02.2004, №54) дене пеҥгыдемдалтын. Эрыкыш колтымо дене кылдалтше йодышым ончымо годым суд уголовно-исполнительный системын эмлыше-профилактике учрежденийжын медицине комиссийжын иктешлымашыжым шотыш налеш.

Неле черлан кӧра наказанийым шуктымо деч утарыме еҥ тӧрлана гын, уголовно мут кучаш шогалтыме да судын титаклыме приговоржын срокышт эртен огыл гын, угыч уголовно наказатлен кертыт.

С.НОСОВА

Опубликовать в Одноклассники

Добавить комментарий