Апрель мучаште (пневматический оружий) лӱйылтмаш дене С.Н. Солодиловым шарныме лӱмеш таҥасымаште ятыр участник вийжым терген. Марий Элын ты чемпионатыштыже Йошкар-Ола, Чебоксар, Волжск олала гычат спортсмен-влак таҥасеныт.
Полковник Сергей Николаевич Солодилов 1997 гыч 2007 ий марте Марий Элысе РОСТО Советыштым вуйлатен. Самырык-влакым призывлан ямдылыме, нуным военно-патриотический шӱлышеш воспитатлыме шотышто, Россий ДОСААФ-ым вияҥдымаште тудын кугу надыржым палемдыман.
Команде-влак коклаште икымше верым МарГУ-н командыже налын. Личный зачётышто пневматический пистолет гыч лӱйылтмаште Звенигово гыч Полина Андреева, «Олимп» спорт полат гыч Артём Эрлих, МарГУ гыч Машхур Нуров ойыртемалтыныт. Винтовко гыч лӱйылтмаште Виктория Григорьева (ПГТУ), Ирина Решетникова («Олимп») Николай Сенченко (МарГУ) тура лийыныт.
Сеҥыше-влаклан ДОСААФ-ын дипломжо ден медальжым кучыктеныт гын, икымше верыш лекше командылан – С.Н.Солодиловын именной кубокшым.
Е.Эшкинина.
