8 декабрьыште Туриныште (Италий) фигурный мунчалтымаш дене Гран-прин финалже иктешлалтын. Тудын сеҥышыже – Россий гыч Алёна Косторная. Куанен палемдыман, пьедесталын чыла верыштыжат элнан спортсменкыже-шамыч лийыныт: Алёна Косторная, Анна Щербакова, Александра Трусова.
Латкуд ияш Алёна произвольный программыште ончылно (162,14 балл) каен, а кӱчык программыж дене пырля тачысе кечылан эн кугу 247,59 баллым поген, тӱнямбал рекордым шынден.
Кокымшо верым Анна Щербакова налын гын, кумшым – Александра Трусова.
Олимпиадын чемпионкыжо Алина Загитова кудымшо верыш лектын.
Е.ЭШКИНИНА