УВЕР ЙОГЫН

Эн изи кокла пашадар: 10 047 теҥге деч шагал огыл лийшаш

Предприятий ден организаций-шамыч пашадарым кузе тӱлат? Калык тудым жапыштыже налеш мо? Эн изи кокла пашадар могайрак лийшаш? Страховой взнос-влак кузерак тӱлалтыт? Нине йодышым тиде кечылаште Йошкар-Ола администрацийын ведомство-влак кокласе Комиссийжын заседанийыштыже каҥашыме. 

Ушештарена, тиде комиссийыш налог инспекцийын, медицине да социальный страхований фонд-влакын, полицийын, рӱдоласе Прокуратурын, Пашаверым муаш полшышо рӱдерын пашаеҥышт пурат. Черетан погынымашыште эн ончыч мутым бюджет да моло фондлан парыман предприятий ден организаций вуйлатыше-влаклан пуэныт. Тидын деч вара пашаеҥ-влакын кокла пашадарышт шотышто каҥашымаш лийын, вет тудыжо шукыштын 2017 ийлан эн изи кокла пашадар (тудын кугытшо 9 521 теҥге лийшаш)  семын палемдыме дечат шагал. Предприниматель-влаклан увертареныт: 2018 ий 1 январь гыч республикыштына бюджет огыл сферыш пурышо организацийыште ыштышын эн изи пашадар 10 047 теҥге кугытан лийшаш.

Пашадарым тӱлымӧ шотышто тений чылаже 39 тыгай заседанийым эртарыме. Марий Элыште Паша шотышто кугыжаныш инспекцийын специалистше-влакын палемдымышт почеш, ӱмаште паша законодательствым тӱжем утла вуйлатыше пудыртен, тергыме деч вара нунылан 1 929 еҥлан оксам ешарен тӱлашышт логалын.

Г.Кожевникова.

Опубликовать в Одноклассники

Добавить комментарий