УВЕР ЙОГЫН

Энергетикын кечыж дене!

Марий Эл Республикынсе энергетике отрасльын пагалыме пашаеҥже ден ветеранже-влак!

Марий Эл Республикын Кугыжаныш Погынжо тендам Энергетикын кечыж дене саламла да тыршен пашам ыштымыланда, мемнан регионым социально-экономически да культурнын вияҥдымашке кугу надырым пыштымыланда таум ойла.

Тендан пашада дене промышленный предприятий, социальный ден кугыжаныш учреждений-влакын, жилищно-коммунальный озанлыкын кўрылтыш деч посна пашам ыштымышт, иктешлен каласаш гын, мемнан кокла гыч кажнынан илышнан качествыже пеш чак кылдалтыт.

Республикысе энергетике предприятийлаште ответственностьым умылышо, чапле профессиональный специалист-влак тыршат, нуно ончылнышт шындалтше производственный задачым сайын шуктен шогат.

Марий энергетик-влакын пашаче коллективыштын тыршымыштлан кӧра кызыт отрасль чулымын уэмдалтеш, кызытсе жаплан келшыше инновационный ден энергийым аныклаш полшышо технологий шыҥдаралтеш, республикысе ола ден яллаште электроэнергийым ситарен шогымо качестве саемеш. Тидын годым йырым-йырысе средам аралыме, энергетике объект-влакын ӱшанлыкышт да лӱдыкшыдымылыкышт саемеш.

Профессиональный пайрем кечын ветеран-влаклан поснак тауштымо шуэш, нуно икымше электропередаче линий-влакым шупшыныт, электростанций-влакым чоҥеныт, мемнан эллан уникальный улшо энергетике системым ыштеныт.

Кугыжаныш Погын Марий Элысе энергетик-влаклан тӱҥалме чыла пашаште ончыкыжат сеҥымашке шуаш, пеҥгыде тазалыкым, пиалым да илышыште чыла сайым тылана!

Тендан еҥ-влаклан пӧлеклыме шокшо ден волгыдо тек тендан дек Марий Эл Республикыште илыше еҥ-влакын алал кумылын тауштымашышт семын пӧртылыт!

 

Марий Эл Республикын Кугыжаныш Погынжын Председательже

А.В.Смирнов

 

Опубликовать в Одноклассники

Добавить комментарий