Элым аралаш – порыс да чап
Кужэҥер посёлкышто Пограничникын кечыжлан пӧлеклалтше памятникым почыныт.
Районышто пограничный службын ятыр участникше ден ветеранже илат, сандене Пограничникын кечыжат кумдан эртен. Митингым Кужэҥер районысо Депутат-влак погынын председательже О.Фокина почын, районын военный комиссарже С.Цапков пайрем дене саламлен. Пограничник-влакын «Застава» мер организацийыштын Кужэҥер районысо председательже В.Иванов ден «Боевое братство» всероссийский мер организацийын Кужэҥер районысо пӧлкажым вуйлатыше С.Хлыстик пограничник-шамычлан диплом ден медальым кучыктеныт. Вара «Державым аралаш, порыс да чап» манын возыман у гранит плиташ пеледышым пыштеныт.
Кастене концерт лийын, кумылан чыла еҥ салтак пучымышым тамлен кертын. Пайрем мотор фейерверк да дискотеке дене мучашлалтын.
М.ИВАНОВА.
