Марий Элысе исправительный учрежденийлаште верланыше школлаште выпускной экзаменым жап деч ончыч кученыт.
Тудым 4-ше ден 7-ше номеран колонийлаште сдатленыт. Тиде тунемме ийыште республикысе тыгай учрежденийлаште шинчыше-влак кокла гыч 375 еҥ шинчымашым налеш. Тышеч 120 еҥ кугыжаныш выпускной экзаменым куча. Нунын кокла гыч 6 судитлыме кызытак – шошо кыдалне — выпускник лийыныт. Амалже – нине осужденный-шамыч лишыл жапыште эрыкыш лекшаш улыт. А тыгай годым закон почеш экзаменым ончылгоч сдатлаш йӧн пуалтеш.
Экзаменым сдатлымашым видеошко войзеныт.
Судитлыме-влакын пашаштым тыглай тунемше-влак семынак республикысе образований да науко министерствыште тергаш да аклаш тӱҥалыт. Нине еҥ-влак аттестатым килышкышт эрыкыш лекмышт кечын налыт.
Л.Камалетдинова.
А.Канатеевын фотожо.
