Калык кидмастар тоштерыште «Ышташ – тугеже илаш!» экспресс-ончер почылтын. Тудо 3 апрель марте пашам ышта.
Уш дене ойыртемалтше, ты шотыштак республикнан интернат тӧнежлаштыже илыше еҥ-влакын усталык паша ончерыштым Инвалид ден инвалид йоча-шамычын ача-аваштын «Отражение мира» регионысо мер организацийышт ямдылен.
Начар тазалыкан еҥ-влаклан декоративно-прикладной искусство да калык ремесло дене заниматлалташ йӧнанрак, вет тыште пашалан келшыше технике да материал дене эрыкын пайдаланаш лиеш.
«Ышташ – тугеже илаш!» ончер проектын тӱҥ шонымашыже начар тазалыкан еҥ-влаклан усталык велым моло дене иктӧр вияҥаш полшымо дене кылдалтын. Ончерын пашам ыштыме кышкарыштыже «волонтёр» шуматкече эртаралтеш. Тушко усталык шӱлышан да «Ышташ – тугеже илаш!» девиз дене илыше чыла еҥым вучат.
М.ИВАНОВА