Ростехнадзорын комиссийже Марий Турек районышто пытартыш жапыште чоҥен шуктымо кӱкшӧ давлениян магистральный кок газпучым сайлан шотлен пеҥгыдемден.
Икымше пучшо – Тат-Китне-Марий Пыламарий коклаште. Тудын кужытшо 17,6 километрыш шуын. Кокымшыжо – Косолоп-Сысоево велке. Тудын кужытшо 11 километрым эртен. Лишыл жапыште газ пучым Марий Озармаш ялышкат шупшын шуктат. Тыге «канде тул» дене ынде районысо ял шотан чыла илем кундемыште пайдаланаш тӱҥалыныт. Тыгай пӧлекым газовик-влак районым почмылан 93 ий темме кечылан ыштеныт. Ынде шулдакан да йӧнан топливе районысо 90 утла процент ялыш, села ден посёлкыш толеш.
В.Смоленцев.
