Илыме верым налме деч вара подоходный налогым ий еда пӧртылтем. Тымарте 2-НДФЛ справкым паша верыште налынам, но газетыштыда шушаш ий гыч тудым пашам пуышын регистрацийым ыштыме верысе социальный страхований фондышто налме нерген возенда ыле. Чыным ойлаш гын, тиде йӧндымылыкым мыняр-гынат луктеш, вет справкылан лӱмын кошташ логалеш. Але тудым вес йӧн денат налаш лиеш?
А.Козлов.
Звенигово район.
Йодышлан Социальный страхований фондын Марий Элысе пӧлкаштыже тыге вашештышт:
– 2-НДФЛ справкым налме икмыняр йӧн лиеш:
- страховатлалтше еҥ пашам пуышын регистрацийым ыштыме верысе социальный страхований фондын пӧлкашкыже йодмаш дене шке миен кертеш;
- справкым пуымо нерген йодмашым пашам пуышын регистрацийым ыштыме верысе социальный страхований фондын пӧлкашкыже почто гоч колтен кертеш;
- пашам пуышын регистрацийым ыштыме верысе социальный страхований фондын пӧлкашкыже страховатлалтше лицан еҥже йодмашым налшашлан кид дене возыман проста форман доверенность дене миен сеҥа;
- йодмашым тыгак фонд пӧлкан электрон адресышкыже колташ лиеш.
М.ИВАНОВА.
