УВЕР ЙОГЫН

Шым кече корнышто лийыт

21-27 августышто Оршанке районышто Юмын Аван мален колтымо гай колымыжо кечыжлан (Успений пайрем) пӧлеклалтше крестный ход эртаралтеш.  

 Кажне ийын ты йӱлам этарыме годым ик храм гыч весе марте тӱрлӧ юмоҥам кондыштарат. Тений корныш Чыла ойгырышо-влакын куаныштлан образым луктыт.

 Ончыч чылан Йошкарэҥер ялысе черкыш погынат. Тушто ты кечын Соловецкий чудотворец-влакым — Зосимым, Савватийым да Германым — шарнымылан пӧлеклалтше престольный пайрем палемдалтеш. 22 августышто ырес дене кайыше-влак Шулкышто, 23 августышто Кучкышто, 24 августышто  Упшышто, 26 августышто Оршанкыште, 27 августышто Изи Кугунурышто да Ернурышто лийыт. Кажне храмыште литургий 7 шагат эрдене эртаралтеш, а 10 шагатлан корныш тарванат.

 С.НОСОВА.

Опубликовать в Одноклассники

Добавить комментарий