Марий Элыште «Шарнымаш жап деч виянрак!» акций стартым налын.
Тудо Кугу Отечественный сарыште сеҥымылан, шучко жапын событийже ден участникше-влаклан, социальный рекламым шарымылан пӧлеклалтын. Акцийыште социальный услугым налше-влак, ты шотыштак инвалид йоча, социально лӱдыкшӧ положенийыште улшо еш гыч икшыве, «ший ийготан» волонтёр-влак участвоватлен кертыт. Тушко тыгак тунемше, студент, мер организаций-шамычым, СМИ-м, тыглай калыкым ушнаш ӱжыт.
Акций 2019 ий мучко эрта:
I этап (16 апрель гыч 6 май марте) – акцийым эртарымылан ямдылалтмаш да социальный рекламым ыштымаш;
II этап (6 май гыч 31 декабрь йотке) – социальный рекламым кумдан шарымаш.
М.ИВАНОВА
