УВЕР ЙОГЫН

«Шуко шочшан еш-влакын чапыштым нӧлтыман»

Россий президент Владимир Путинын приемныйыштыжо граждан-влакым приниматленыт. Вашлиймашым Марий Эл вуйлатыше Александр Евстифеев эртарен. 

Приёмыш чылаже 7 еҥ миен. Нунын коклаште Йошкар-Олаште, тыгак республикын районлаштыже илыше-влак лийыныт, палдара Марий Эл вуйлатышын мер кыл да увер управленийже.

Иктыже, мутлан, «Кугу еш» РОО-н инициативный группыжын вуйлатышыже Ольга Чеснокова лийын. Тудо шуко шочшан еш-влакын чапыштым нӧлталаш кӱлмӧ йодышым тарватен. Ӱдырамашын ойлымыж дене А.Евстифееват келшен да тудлан Общественный инициативылан полшымо республиканский Толкынын составышкыже пураш темлен.

Медведево район гыч В.Пашкиным Лӱльпаныште сутка мучко ыштыше стационарым петырыме йодыш тургыжландарен. Морко поселко гыч С.Николаев районысо ончычсо аза ыштыме пӧртын шаланаш тӱҥалмыж нерген азапланен ойлен. Юрино районысо Марьино села гыч А.Подшивалова изи бизнесым тӱҥалаш полшаш йодын. Йошкар-Ола гыч Ю.Попов ден «Россий садовод-влакын ушемыштын» региональный отделенийжын председательже Г.Петрушин Медведево районысо кучемын Устье Кундыш поселкышто чодыра корным ышташ полшыдымыжлан вуйым шийыныт.

Приемыш мийыше кажне еҥын йодмашыжым контрольыш налыныт. А.Евстифеев министерстве-влаклан ситуацийым тергаш да йодыш-влакым рашемдаш кӱштен.

Л.Камалетдинова.

Опубликовать в Одноклассники

Добавить комментарий