Марий Элын Социальный вияҥмаш министерствыжын увертарымыж почеш, «Демографий» национальный проектын «Йоча шочмо годым ешлан финанс велым полшымаш» регионысо проектшын кышкарыштыже кумшо да тылеч моло йоча шочмо годым, тыгак нунын кум ияш лиймешкышт, ешлан тылзе еда окса выплате теният ойыралтеш.
2019 ийыште тыгай выплатым ешын доходшо ик еҥлан шотлымаште 14562 теҥге деч шагал лекме годым тӱленыт.
Марий Эл правительствын 2019 ий 26 декабрьыште лукмо пунчалже дене келшышын, 2020 ий 1 январь гыч тиде доходын кугытшым 20996 теҥге марте нӧлталме.
Йодмашым кумшо да тылеч моло йочан шочмо кечышт деч вара кум тылзе жапыште пуаш гын, выплате икшывын шочмо кечыж гычак ойыралташ тӱҥалеш. Кум тылзе деч вара гын, йодмашым пуымо тылзе гыч.
М.ИВАНОВА
