2020 ий гыч Марий Элыште «Демографий» национальный проектын «Ӱдырамаш-влаклан пашам муаш полшымаш – кум ияш марте ийготан йоча-шамычлан школ деч ончычсо шинчымашым налаш йӧным ыштымаш» федеральный проектшым илышыш пуртымо кышкарыште профессийлан туныктымо да ешартыш профессиональный шинчымашым налме шотышто мероприятий-влак федеральный да региональный бюджетла кӱшеш эртаралтыт.
Тиде федеральный проект изи йочан ӱдырамаш-влаклан мом пуа?
Нацпроектым илышыш пуртымо кышкарыште нине еҥлан профессийлан тунемаш да квалификацийым нӧлташ йӧн пуалтеш:
- кум ияш марте ийготан йочам ончымо шотышто отпускышто улшо-влаклан;
- школыш коштдымо йочан, пашадыме да калыклан паша верым ситарыме службын органлашкыже пашам кычалын толшо-шамычлан.
Тидын дене келшышын, ӱдырамаш-шамыч пашам ситарыме службын колтымыж почеш кок йӧн гыч иктыжым ойырен налын кертыт:
- квалификацийым нӧлтымо деч вара ончычсо паша верышкак пӧртылаш;
- регионысо паша рынкыште кӱлешанрак профессийлан тунемаш.
Кокла шот дене 3 тылзе деч шуко огыл жап тунемман.
Профессийлан туныктымо да квалификацийым нӧлтымӧ йӧн мом пуа:
- паша рынкыште шкем сай пашаеҥ семын ончыкташ да кугурак пашадаран паша верым муаш, тылеч посна – иканаште икмыняр тӱрлӧ пашам ыштен мошташ;
- паша ден еш обязанностьым иквереш шукташ.
Мыняр ӱдырамашым туныктат?
Мероприятийым илышыш пуртымо пагытыште – 1127 еҥым. 2020 ийыште – 196 еҥ деч шагал огыл.
Стипендий лиеш мо?
Стипендийым школ деч ончычсо ийготан йочан, пашадыме да калыклан паша верым ситарыме службыш пашам кычалын толшо ӱдырамаш-шамычлат веле тӱлат.
М.ИВАНОВА
