Звенигово олаште илыше Т.Губиналан Россий Федерацийын Президентше Владимир Путин деч саламлымашан открытке толын.
Кодшо кечылаште Таисия Филипповналан 90 ий темын. Тылын труженикшым Звенигово районысо калыкым социально обслуживатлыме комплексный рӱдерын директоржым алмаштыше А.Коптелова ден граждан-шамычым социально обслуживатлыме пӧлкам вуйлатыше О.Этиганова шокшын саламленыт да Россий Президент В.Путинын саламлымашан открыткыжым кучыктеныт.
Т.Губина Кугу Отечественный сар ийлаште шочмо Шернур районысо «Коминтерн» колхозыштыжо тыршен. Вара медтехникумым тунем лектын да Новосибирский областьыш каен. 1953 ийыште Татарстаныш толын, вара Шернур ден Кужэҥер районлаште тыршен, шуко ий Звенигово районысо рӱдӧ эмлымверыште пашам ыштен.
М.ИВАНОВА.
