УВЕР ЙОГЫН

Шотыш налза: Арам ида йыҥгырте

Марий Элыште «112» единый номер дене экстренный оперативный службым ӱжмӧ системын сегментше опытым эртарыме семын пашам ышта. 

Система-112 калыкын илышыжлан да тазалыкшылан лӱдыкшӧ улмо, аварий, пожар, мер порядке пудырталтме да моло азап годым материальный эҥгекым иземдаш кӱлмӧ, тыгак моло происшествий, чрезвычайный ситуаций годым экстренный полышым ситараш палемдалтын.

Кызыт тиде системыш тылзе еда 6000 гана йыҥгыртат. Тышечын 35 процент йодмаш полышым пуаш негыз укелан кӧра огеш обработатлалт. Тидымак шотыш налын, калыклан теве мом ушыш пышташ кӱлеш:

  • 112 номерыш тергыме семын нигунамат ида йыҥгырте. Тиде операторын жапшым налеш да телефон линийым айла. Системыште полышым йодын йыҥгыртыше айдемылан эрыкан линий эре лийшаш;
  • системыш йоҥылыш йыҥгыртенда гын, телефон пучым ида пыште, ида йӧртӧ – операторлан вашештыза. 112 номерым погымек, система-112 операторлан телефон номердамат, телефондан кушто верланымыжымат ончыкта;
  • телефон пучым пыштеда але йӧртеда гын, системын операторжо тыланда экстренный ситуаций уло-укем терген йыҥгырта. Тудлан ода вашеште гын, тендан деке реагирований службым колтат. Тидыже, мутлан, йӧрлшӧ, ошкыл кертдыме айдеме телефон дене мутланыдеат полышым налын кертеш манмым ончыкта. Чаманен палемдыман, шукынжо телефон пучым пыштат але йӧртат, да тиде йыҥгыр шояк лиеш. Экстренный ситуаций уло-укем тергаш жап да средства кучылталтыт, а тиде жапыште чынже денак азапыш логалше айдемылан полыш кӱлеш.

М.ИВАНОВА.

Опубликовать в Одноклассники

Добавить комментарий