ЭКОНОМИКЕ

Шолыштмо — тӱлыктымӧ

«Рӱдӧ да Юл кундем Россеть Мариэнергон» специалистше-влак кодшо ийын электровийым шолыштмо 312 фактым рашемденыт. Тушечын 251 фактше тудым учёт деч, а 61 фактше договор деч посна кучылтмо дене кылдалтыныт. Иктешыже 3,912 миллион теҥгеаш 1713325 киловатт-шагат энергийым шолыштмо.

Электровийым учёт деч посна кучылтмо кугу фактлам «Мариэнергон» лӱдыкшыдымылык отделжын инспекций тергымаш группыжын пашаеҥже-влак Медведево, Волжский да Звенигово районлаште пален налыныт. Закондымын пайдаланыме эн шуко случайым Медведево ден Курыкмарий районлаште рашемдыме.

Электросчётчикын пашашкыже шӱшкылтмӧ да договор деч посна кучылтмо фактла тыглай граждан-влак велым веле огыл, юридический лица-влак велымат лийыныт. Тыге Медведево районышто счётчикысе пломбым локтылмо да шотлышо приборын пашашкыже шӱшкылтмӧ, тыгак электросчётчиклан магнит дене влиянийым ыштен , 32640 киловатт-шагат электровийым шолыштмо фактым пален налме. Закондымын кучылтмо электровий ак кугыт кӱрын лукмо деч посна тыгай марте шуктышо юридический лица ден вуйлатыше-влаклан  мутым административно кучыктымо да штрафым тӱлыктымӧ.

Ю.ИСАКОВ

Опубликовать в Одноклассники

Добавить комментарий