Тений шошо ӱмшсе деч варарак тольо: лумжат кужу жап шулыде киен, кайык шамычат почешрак пӧртыльыч. Поснак чон куана, кунам шемкорак-влак карат, шырчык-шамыч омарташ чоҥештен пурат да пыжашым оптат, пасушто турий-влак мурат, кававомышышто кайыккомбо кашта коеш. Тидын годымак мардежат ласкан пуалеш. Кече шыратен онча¸ шошо вӱдысӧ кечыйол шинчам йымыктара. Теве ӱмаште вӱдшор чылт уке ыле манаш лиеш гын, тений – вес сўрет. 15 апрельыште Йошкар-Оласе Изи Какшаныште ий тарванен, эҥер почылтын. Кечыште 36 градус шокшым ончыкта ыле, ӱмылыштӧ – 20 градусым. 12 шагатлан эҥерыште Рӱдӧ кӱвар меҥгыште вӱд 2 метр пале марте кӱзен гын, кызыт 3 ден 4 метр коклаште шога.
ден 4 метр коклаште шога.
Йырым-йыр пӱртӱс помыжалтеш. Калык рӱжге уремыш лектыныт. Шошылан чыланат куаненыт. Мыят Изи Какшан эҥерысе ташлыше вӱдым Пӱнчерыште, «Тазалык аллейыште», «Активнын каныме рӱдерыште» (Шернурысо трактыш лекмаште) да Киров ден Строитель урем-влакым ушышо у кугорно велым фотоаппаратыш войзышым. Теве Пӱнчерыш канаш толшо еҥ-влак чодырасе йолгорно дене 100 метр веле ошкылын кертыт, умбакыже – вӱд. Ташлыше вӱдшӧ южо вере Сомбатхейысе Ленинский проспект марте шуын. У ошман кугорно дамбыштечоҥышо-влакат ташлыше вўд эртымым вучат. Игечым ончыде, нуно строительный техникылан каяш жаплан корным ыштат. Тыште вўдшӧ у кугорно йымач йолын вончымо переход мучко йога. Активнынй каныме рӱдерат – ташлыше вӱд йымалне. Моло верат, мутлан, Медведево кундемыште йогышо Ошла ден Манага эҥерла воктенат, вӱд чот ташлен. Шошо игече писын вашталтеш. Да тиде жапым, юватылыде, пайдалын эртарыман. Тыге 10 кече шокшо игече шогымо дене пасуат таптылген. Йырым-йыр ужар шудо ден пеледыш ылыжыныт. Ялысе калыкат южо вере шошо ага тургымыш ушненыт.
М.СКОБЕЛЕВ
Авторын фотожо
Снимкыште: 8730 — «Тазалык аллей» — вӱд йымалне. 8756 – Пӱнчерыште вӱд шога. 8840, 8842-1 – Киров ден Строитель урем-влак ушнымаш гыч Изи Какшан эҥер тыге коеш. 8922 –Медведево район Якимсола велне Изи Какшан вӱд тыге коеш. 9142 – У дамбе Красноармейский слобода уремым арала. 9027- Активный каныме рӱдер. 9041- Ташлыше вӱд
