20 октябрьыште У Торъял поселкысо тӱвыра да каныме рӱдерыште туныктышо, талантан гармончо да баяным шоктышо Анатолий Булыгиным шарныме лӱмеш «Шокто, йӧратыме гармонем!» районысо фестиваль-конкурс лиеш.
Тений тудо кудымшо гана эрта. Ты ганат мероприятийын ик эн тӱҥ организаторжо — Овалже ялыште илыше, ончычсо совхоз директор да ял шотан илем администраций вуйлатыше Николай Сидоркин.
Фестиваль-конкурс район кӱкшытыштӧ эрта гынат, таҥасымашке кажне гана республикнан вес районлаж гычат уста гармоньчо-влак ушнат. Теният кумылан-влакым пагален ӱжыт. Башкортостан ден Татарстан Республикла, Киров область гычат участник-влак толшаш улыт.
Л.Камалетдинова.
