Марий фермер, агропромышленный комплексым виктарыме орган, муниципалитетым, ял илемым вуйлатыше ден ял озанлык пашаеҥ-влак Башкортостанын рўдолаже Уфаште эртыше «Пашам виктарыме тыгыде форман озанлыклан да ял кундемлам чарныде вияҥден толмылан кугыжаныш полыш» теме дене семинар-совещанийыш миен коштыныт. Тудо Российын ялозанлык министрже А.Ткачевын вуйлатымыж почеш 19-21 июльышто эртен. Совещанийыш элын 60 регионжо гыч погыненыт.
Нуно тушто верысе аграрник-влакын шумо сеҥымашышт да опытышт дене веле огыл палыме лийыныт, тыгак шкеныштын ошкылышт денат палдареныт. Мутлан, Курыкмарий гыч фермер А.Бабушкин Марий Элыште пареҥгым ончен куштымо нерген каласкален. Кодшо ийыште республикыште кокымшо киндым чыла тўрлӧ озанлык-влак чумыржо 300 тўжем наре, пакчасакам 152,6 тўжем тонным погеныт.
А.АНДРЕЕВ.
