Курыкмарий районысо Пайскырык школ ончылно лӱмлӧ шанчызе, филологий науко доктор, Марий кугыжаныш университетын почетный профессоржо Лидия Петровна Васиковалан бюстым почыныт.
Тиде ты кундемыште эртыше латшымше «Игнатьев лудмаш» научно- практический конференций годым лийын. Тений тудо «Курыкмарий-влак — политкультурный пространствыште» темылан пӧлеклалтын. Марий Эл, Чуваший, Казань, Москва, Санкт- Петербург, Германий, Испаний гыч докладым ыштыше ученый, туныктышо, тӱвыра пашаеҥ-влак миеныт. Конференций годымак Лидия Васикован шочмыжлан 90 ий теммылан пӧлеклыме «Оставаясь со своим с народом» книган презентацийже лийын.
С.Носова.
