Школ экзамен-влак пытышт, да выпускник-шамычын кокла профессиональный ден кӱшыл тунемме заведенийлашке тунемаш пурымо жапышт толын шуо.
Ешысе кокымшо йоча кум ийым темен гын, ава (еш) капиталын средстважым моло икшывын образованийжылан, ты шотыштак шинчымашым пуымо кӱшыл але кокла профессиональный организацийыште очно, заочно, кастене (очно-заочно) тунемше шочшылан тӱлаш лиеш.
Тунемаш тӱҥалше икшыве 25 ий деч кугу лийшаш огыл. Лицензиян организаций Россий кумдыкышто верланышаш.
Ава капиталын средстважым шинчымаш услугылан веле огыл, тыгак тунемме организацийын тӱшкагудышто ойырымо илыме вержылан да коммунальный услуго-влаклан тӱлаш лиеш.
Еш капиталым икшывын школ деч ончычсо шинчымашым налмыжланат кучылташ лиеш, тыгодым йочан кум ийым темымыжым вучаш огеш кӱл.
2019 ийын икымше пелыштыже республикысе 179 еш икшывыжым ава капиталын средстваж дене туныкташ йодмашым пуэн да тыгай услугылан 4 млн. теҥгем кучылтын.
Ава капитал дене пайдаланыме нерген йодмашым Россий Пенсий фондын верысе пӧлкашкыже пуыман.
М.ИВАНОВА
