Шернур районысо Тиман почиҥга ялыште илыше-влак Сердяжка эҥер гоч кӱварым олмыкташ 30 тӱжем теҥгем погеныт.
Ты эҥер гоч ял велке эртыме корнышто тиде вончак шукертак ачалымым йодын. Тудын гоч вончаш лӱдыкшӧ улмо нерген тений майыште ялыште сходым эртарыме годымат мут лектын, тунамак кугу нелытан автомашиналан кошташ чараш кӱлмӧ нерген каҥашеныт.
Кызыт эҥер гоч кӱварым тӱшка вий дене ыштат. Нефтьым тулышо станций рончымо кӱртньӧ-бетон меҥге-влакым пуэн, электросеть предприятий технике дене полшен, строительно-ремонтный предприятийын пашазыже-шамыч сваркым ыштеныт. А калыкын погымо оксаже ошмам да техникым арендыш налаш кучылталтын.
А.АНДРЕЕВ.
