УВЕР ЙОГЫН

Шарнат, огыт мондо

7 майыште Йошкар-Олаште Сеҥымашлан 74 ий теммылан пӧлеклалтше автопробег лийын.

Марий тиште да Сенымаш кечылан келыштаралтше атрибутикан автоколонно Ленин площадьыште чумырген. Мероприятийлан стартым Марий Эл правительстве председательын алмаштышыже С.Воронцов пуэн. Митингын участникше-влак ончылно Кугу Отечественный сарын ветеранже Михаил Павлович Литвин выступатлен, тыгак чылаштым генерал-майор, Афган сарын участникше Анатолий Иванович Самсонов саламлен. 

Тыгак тушто Россий ДОСААФ-ын Марий Элысе региональный отделенийже гыч еҥ-влак, Кугу Отечественный, локальный сар-влакын ветеранышт,  юнармеец ден кадет-шамычат лийыныт.

Мероприятийыште сареш вуйым пыштыше-влакым ик минут шып шоген шарналтеныт. Оружейный залп деч вара «День победы» муро сем почеш  кок автоколонно кок маршрут дене тарванен.

Автопробег стартым Ленин площадь гыч налын гын, финиш Чап монумент воктене лийын.

Мемнан землякна-влак Кугу сарын кондымо ойгыж нерген, Сеҥымаш верч кредалше, ветеран, тылыште тыршыше-влакым эреак шарнаш тӱҥалыт. Автопробег самырык тукымым военно-патриотический движенийыш ушымо, патриотизм дене кылдалтше йӱлам аралыме, ДОСААФ-ын пашажым пропагандироватлыме семын эртаралтын.

Е.Эшкинина.

Опубликовать в Одноклассники

Добавить комментарий