СПОРТ

Чыла коклаште – луымшо

13 сентябрьыште «Самородово» тазаҥдыме лагерьыште (Оренбург ола) «Зарница Поволжья-2019» VII военно-спортивный модмашым торжественно петыреныт. Тушто Марий Элын чапшым Волжский районысо Шарача кыдалаш школын 14 тунемшыже арален, Юл кундем федерал округышто 10-шо верым налын.

Мероприятий Кугу Отечественный сарыште Сеҥымылан 75 ий теммылан пєлеклалтын. Участник-влакым Россий президентын ПФО-што полномочный представительже Игорь Комаровын лӱмжӧ дене Владимир Колчин да моло почётан уна-шамыч саламленыт.

– «Зарница Поволжья» Юл кундем федерал округын визитный картычкыжлан шотлалтеш. Ты проектыште кажне ийын 300 тӱжем наре кугурак класслаште тунемше вийжым терга. Финал военно-прикладной таҥасымашлаште чытымашдам, шинчымашдам, команде дене пашам ыштен моштымыдам ончыктенда. Тудо чын патриот-влаклан – сай школ, – манын И.Комаров. – Пагалыме участник-влак, Оренбург мландыште эртарыме кече, конкурс, таҥасымаш, у йолташ-влак ӱмырешлан поро шарнымашешда кодышт.

Икымше верым Оренбург область, кокымшым Удмурт Республик, кумшо верым Чуваш Республик гыч юнармеец-влак налыныт.

Марий Эл гыч команде гранатым кышкымаште, 1-2 километрыш куржмаште сай результатым ончыктен.

Чыла участниклан дипломым, шарнымаш пєлекым кучыктеныт.

Е.ЭШКИНИНА.

 

Опубликовать в Одноклассники

Добавить комментарий