23 ноябрьыште, Йошкар-Олаште, Сеҥымашын ХХХ идалыкше лӱмеш тӱвыра полатыште тыгай лӱман республиканский мероприятий лиеш. Тудо Аван кечыжлан пӧлеклалтеш.
Пайремыште ончылгоч палемдыме вич номинаций дене келшышын ойыртемалтше ава-влаклан шарнымашан пӧлекым, таумутым да «Дочерям Отечества» медальым кучыктат, нунын лӱмеш сылне муро-влак йоҥгат.
Тыгак республикысе муниципал образований-влак «Авай, мый тыйым йӧратем!» всероссийский социальный акцийыш ушнат. Тунам доброволец-шамыч ава-влаклан саламлымашан открыткым кучыктат.
Пайрем мероприятийыш кумылан кажне еҥ толын кертеш. Тудо 11 шагатат пелылан тӱҥалеш.
Л.КАМАЛЕТДИНОВА
