20 майыште Марий Эл вуйлатыше Александр Евстифеев РФ Безопасность совет секретарь Николай Патрушев ден РФ президентын Юл кундем федеральный округышто полномочный представительже Игорь Комаровын ПФО субъект да исполнительный кучемын федеральный органже-влакын вуйлатышышт дене иквереш эртарыме совещанийышкышт ушнен.
Видеоконференций йӧн дене эртарыме совещанийыште Юл кундем федеральный округысо регионлаште национальный проект-влакым илышыш пуртымо годым вашлиялтше нарушений-влак ваштареш ешартыш мерым ыштыме йодыш-влакым каҥашеныт.
Алексанлр Евстифеев палемден: 2019 ий тӱҥалтыш гыч республикыште 11 направлений дене 53 региональный проект илышыш пурталтеш. Ыштыме ойпидыш-влак дене келшышын, кызыт 40 объектым чоҥымо шотышто паша шукталтеш.
Россий президент Владимир Путинын кӱштымыж почеш, республикыште ик эн ончыч нормативно-правовой базын корректировкыжым эртареныт, правам пудыртымым, тыгодым коррупций сынанымат, эскерыме, мониторинг квартал еда ышталтеш. Региональный да муниципал кӱкшытыштӧ нацпроект-влакым илышыш кузе шыҥдарыме шотышто мониторинг арня еда шукталтеш. Нунын данныйышт почеш, 2020 ий 1 апрельлан республикыште оксам келшен толдымын кучылтмаш да коррупций сынан правонарушений вашлиялтын огытыл.
Марий Эл вуйлатышын организаций да аналитике виктемжын уверже негызеш Л.КАМАЛЕТДИНОВА ямдылен
