27 ноябрьыште Звенигово олаште верланыше посёлко-влак кокласе книгагудышто «Чон шокшетым пӧлекле» проект почылтеш.
Тудын кышкарыштыже самырык-шамыч пидаш да шокшо пӧлекым шке кид дене ямдылаш тунемыт. Наставникышт ший ийготан волонтёр-влак лийыт.
Тиде проектыш районышто илыше кажне еҥ ушнен кертеш: Звенигово оласе йоча, посёлко-влак кокласе библиотекылаш, Калыкым социально обслуживатлыме комплексный рӱдерыш да район администрацийын самырык-влакын пашашт шотышто пӧлкаш кондымо шӱртӧ шуко еҥын кид-йолжым веле огыл, чонжымат ырыктен кертеш.
«Чон шокшетым пӧлекле» проетым «Единый Россий» партийын верысе пӧлкаже организоватлен.
М.ИВАНОВА.
