Тазалык шотышто экшык улман йоча да подростко-влаклан палемдалтше реабилитаций рӱдерын воспитанникше-шамыч мандалым чиялтыме искусство дене палыме лийыныт. Тиде темылан пӧлеклалтше мастер-классым «Чарла кремль» тӱвыра да историй комплексын пашаеҥже-влак эртареныт.
Мандала – кугезе символ, тӱнян шкешотан модельже, тудын дене кылдалтше паша кӧргӧ напряженийым луштарыше, эмоциональный состоянийым тӧрлатыше арт-терапий семын кучылталтеш.
Мандалотерапий полшымо дене йоча-влак лыпланаш, шкем эскераш, тӱткышым ала-молан иктылан ойыраш, творчески шонкалаш тунемыныт, тыгодымак кидысе тыгыде моторикыштым вияҥденыт. Мандалам чиялтен, икшыве-шамыч шке кумылышт дене утларак палыме лийыныт, усталыкыштым вияҥденыт.
Ласкалык тӱняш пурен кайыме деч вара йоча-влак чыланат музыкальный залыш кусненыт, тушто чон канымеш модыныт.
М.ИВАНОВА.
