ПАТЫРЛЫК Сеҥымаш СПОРТ ТАЗАЛЫК Чолгалык ШКОЛ ЙОЛГОРНО

Чевер шошо кечын «Дружба» стадионышто

27-28 майыште тунемше-влак коклаште республик ккшытан президент таҥасымаш эрта. Ӱдыр-рвезе-влак «Дружба» стадионышто вийыштым тергат. Ты гана тушко 7-ше классыште тунемше-влак чумыргеныт. Регионна гыч 12 команде таҥаса.

Участник-влак икымше кечын многоборьеште (эстафете, турникыште шкем нєлтымаш, отжиманий, тўрлє кужытыш куржталмаш…) вийыштым тергеныт гын, таче, 28 майыште, творческий конкурсыш ушненыт, теорийыште уш-акылыштым пудыратылыт.

Мут толмашеш, маште ты таҥасымаш онлайн йӧн дене эртен. Всероссийский президент спорт состязанийыште Марий Элын чапшым Волжский район Пӧтъял кыдалаш школын командыже арален. Элнан тӱрлӧ кундемже гыч тудо 65 команде коклаште лу эн тале коклаш логалын, эстафетыште кумшо верыш лектын.

Ӱдыр-рвезе-шамычлан кубокым, медальым, дипломым, сертификатым, шарнымашан футболкым, тыгак  кажныштлан спорт формым пуэныт.

Ты гана таҥасымашке тиде школ гыч физкультурым туныктышо А.Семёнов эсогыл кок командым конден. «Республик кӱкшытан таҥасымаш кузе эртымым ужышт, шкеак вийым терген ончышт, могай судья-влак улыт, кузе тергат – палышт, икманаш, ончыкылан опытым погышт, шонем», – манеш Альберт Аркадьевич. 

Такшым ты президент таҥасымаште ӱдыр-рвезе-влак молгунамсе семынак писе, чолга, пӱсӧ уш-акылан да мастар улмыштым ончыктеныт. Лач икте кумылым волта: ты гана районла гыч чылаже 7 команде (Оршанке, Волжский, Советский, Шернур, Марий Турек, Кужэҥер районла) веле толын.

Сеҥыше-влак шыжым Шем теҥыз воктеке каят, Марий Элын чапшым всероссийский президент состязанийыште аралаш тӱҥалыт. Тунемше-шамычлан сай результатым, сеҥымашым тыланена.

Е.ЭШКИНИНА.

Опубликовать в Одноклассники

Добавить комментарий