УВЕР ЙОГЫН

У ушемым ыштынешт

Башкортостан Республикын Келшымаш пӧртыштыжӧ ты кундемысе марий калыкле-тӱвыра автономий-влакын активышт погынен.

Индеш район гыч марий-влак миеныт: Мишкан, Караидель, Калтаса, Краснокам, Янаул, Бирск, Благовещений, Балтач, Дӧртыльӧ районла да Нефтекамск ола гыч. Уфа ден Шараҥ районын представительже-влак «Zoоm» онлайн-системе полшымо дене ушненыт.

Вашлиймашым Краснокам районысо автономийын председательже Раисия Сатаева вӱден. Тӱҥ докладым Балтач район гыч чолга еҥ Риф Апляев ыштен. Каҥашымаш «Эрвел Марий» регионысо НКО-н пашажым чарыме да у мер ушемым ыштыме шотышто каен. Погынышо-влакын шонымышт почеш, у организаций марий калык илыман чыла районым авалтышаш. Лач тыгай пунчалым погынымаште пеҥгыдемденыт да оргкомитетым палемденыт. Тушко А.Умурбаев, Р.Апляев, А.Гайсин, В.Байбулатов, Г.Диндарьянова Д.Ибашев, А.Минлин, А.Камилянов, Р.Сатаева, И.Тимиряева, П.Абдулов пуреныт. Оргкомитет председательлан В.Т.Байбулатовым палемденыт. Оркомитетын заседанийжым сентябрьыште эртараш пунчалыныт.

С.НОСОВА

Опубликовать в Одноклассники

Добавить комментарий